Ish trajneri i Barcelonës, Pep Guardiola ka shprehur zhgënjimin e tij pas vendimit të Luis Enriques për tu larguar nga gjiganti katalunas me përfundimin e sezonit.

46-vjeçari njoftoi rreth këtij vendimi pas fitores 6 me 1 në La Liga të mërkurën ndaj Sporting Gijonit, rezultat që e riktheu në garë për titull skuadrën e tyre, transmeton portali arbresh.info.

“I kam dy reagime. Si një tifoz i Barcelonës dhe si një mbështetës i klubit, të cilin e kam në zemër. Jam shumë i mërzitur”, tha fillimisht Guardiola. “Do na mungoj personaliteti i trajnerit perfekt, karakteri i tij. Në tri vitet e tij, ai ka luajtur një futboll të pabesueshëm me lojtarë të pabesueshëm”

“E dyta, nëse ai e ka vendosur këtë, unë e kuptoj plotësisht dhe sigurisht i uroj më të mirat”

“Si një tifoz, unë do e falënderoja për gjithçka që ka bërë në tri vitet te klubi im”

Guardiola, i cili ka fituar dy herë Ligën e Kampionëve së bashku me Barcelonën, ka mohuar raportet e fundit se dëshiron të rikthehet në klub.

“Nuk do të rikthehem asnjë herë në Barcelonë për të qenë trajner aty”, tha ai muajin e kaluar. “Periudha ime aty ka përfunduar”, shtoi Guardiola./arbresh.info